Овој фестивал е уште една манифестација во рамките на патроната прослава на градот, кој се одржува од 25-27 август секоја година.Го популаризира изворниот фолклор и народното творештво, богатата традиција и култура на општините и државите со кои Крива Паланка има добри односи и соработка.
Низ фолклорните игри и песни се зајакнуваат врските на блиските народи, кои се запознаваат и поврзуваат преку автентичноста на богатото културно наследство ширум светот.
Дефилето на учесниците ни градот на сите три фестивалски вечери, како и нивните настапи на отворена сцена, нудат единствена можност да се доживее светот низ музика и оригинална автентична игра.
Во досегашните изданија имало учесници од Македонија, Бугарија, Србија, Црна Гора, Турција, Босна и Херцеговина, Кипар, Романија…кои секогаш ја воодушевуваат публиката и сведочат за пријателството, поврзаноста и блискоста на народите од регионот и од светот.